കൊച്ചി: ഇന്ത്യയെ ഡെംഗി മുക്തമാക്കുക എന്ന ലക്ഷ്യത്തോടെ ഡാബര് ഇന്ത്യയുടെ പ്രമുഖ വ്യക്തിഗത കൊതുക് നിവാരണ ബ്രാന്ഡായ ഒഡോമോസ് 'ഡെംഗി മുക്ത് ഭാരത്' പ്രചാരണ പരിപാടിക്ക് തുടക്കം കുറിച്ചു. മണ്സൂണ് കാലത്ത് വര്ദ്ധിച്ചുവരുന്ന ഡെംഗി ഭീഷണിക്കെതിരെ പ്രതിരോധ മാര്ഗ്ഗങ്ങളെക്കുറിച്ച് പൊതുജനങ്ങളെ ബോധവല്ക്കരിക്കുകയും രാജ്യത്തുടനീളം സൗജന്യ ഒഡോമോസ് സാമ്പിളുകള് വിതരണം ചെയ്യുകയുമാണ് ഈ പദ്ധതിയുടെ ലക്ഷ്യം. പ്രചാരണത്തിന്റെ ഭാഗമായി കൊച്ചി വൈപ്പിന് സേക്രഡ് ഹാര്ട്ട് യു.പി സ്കൂളിലെ മുന്നൂറിലധികം വിദ്യാര്ത്ഥികള്ക്കായി പ്രമുഖ വൈദ്യശാസ്ത്ര വിദഗ്ദ്ധ ഡോ. എല്സയുടെ നേതൃത്വത്തില് പ്രത്യേക ബോധവല്ക്കരണ ക്ലാസും സംഘടിപ്പിച്ചു.
ഡെംഗി കേസുകള് വര്ദ്ധിച്ചുവരുന്ന സാഹചര്യത്തില് ഇത്തരം ബോധവല്ക്കരണങ്ങള് അത്യന്താപേക്ഷിതമാണെന്ന് ഡാബര് ഇന്ത്യ ലിമിറ്റഡ് ഹോം കെയര് മാര്ക്കറ്റിംഗ് ഹെഡ് വൈഭവ് രാത്തി പറഞ്ഞു. സ്കൂളുകളിലും കളിസ്ഥലങ്ങളിലും ജോലിക്കായി പുറത്തുപോകുമ്പോഴുമാണ് കുട്ടികളും മുതിര്ന്നവരും കൂടുതലായി കൊതുക് കടിയേല്ക്കാന് സാധ്യതയുള്ളതെന്നും, പകല് സമയത്ത് കടിക്കുന്ന ഇത്തരം കൊതുകുകളില് നിന്ന് ജനങ്ങളെ സംരക്ഷിക്കുക എന്നതാണ് ബ്രാന്ഡിന്റെ പ്രാഥമിക ലക്ഷ്യമെന്നും അദ്ദേഹം വ്യക്തമാക്കി. ക്യാമ്പില് സംസാരിച്ച ഡോ. എല്സയും ഡെംഗി പോലെയുള്ള രോഗങ്ങളെ ചെറുക്കാന് കൃത്യമായ പ്രതിരോധമാണ് ഏറ്റവും പ്രധാനമെന്ന് ഓര്മ്മിപ്പിച്ചു.
തുറസ്സായ സ്ഥലങ്ങളിലും അടച്ചിട്ട മുറികള്ക്കുള്ളിലും ഒരുപോലെ ഭീഷണിയാകുന്ന പകല് കൊതുകുകളില് നിന്ന് പൂര്ണ്ണ സംരക്ഷണം നല്കുന്ന ഉല്പ്പന്നമാണ് ഒഡോമോസ്. പ്രമുഖ പീഡിയാട്രീഷ്യന്മാര് സുരക്ഷിതമാണെന്ന് സാക്ഷ്യപ്പെടുത്തിയ ഒഡോമോസ് ക്രീം, ലോഷന്, ജെല്, സ്പ്രേ, ഫാബ്രിക് റോള്-ഓണ് എന്നിങ്ങനെ ഉപയോഗിക്കാന് എളുപ്പമുള്ള വിവിധ ഉല്പ്പന്നങ്ങള് വിപണിയില് ലഭ്യമാണെന്ന് ഡാബര് ഇന്ത്യ ജനറല് മാനേജര് (മാര്ക്കറ്റിംഗ്) ഗ്ലാൻസി ജോൺ അമിത് ഗാര്ഗ് വ്യക്തമാക്കി. ചടങ്ങിൽ ഹെഡ്മിസ്ട്രസ് ജയ ജോസഫ് സ്വാഗതം പറഞ്ഞു. ടീച്ചർമാരായ പിൻഹിറേ , മാക്സി മാതൃൂ, ശ്രൂതി , ട്രിജി കെ.ജി എന്നിവർ പരിപാടിക്ക് നേതൃത്വം കൊടുത്തു.